Prevención e envellecemento activo para persoas sas

Desenvolver hábitos saudables e asumir un envellecemento activo non só mellora a nosa saúde e benestar, senón tamén a nosa calidade de vida. Ademais, actúa como un poderoso elemento protector fronte a enfermidades como o Alzhéimer e as demencias. O noso cerebro, do mesmo xeito que o noso corpo, vaise deteriorando co paso do tempo e, por tanto, debemos mantelo estimulado. En AFAL axudámosche a iso a través de diferentes terapias, principalmente cos nosos Talleres de Memoria e os Talleres de Musicoterapia para persoas sas.

Actividades que desenvolvemos en grupo para potencia a socialización dos participantes. Estas actividades están dirixidas a persoas sen deterioración cognitiva maiores de 60 anos.

TALLERES DE MEMORIA PARA PERSOAS SAS:

No marco de programas de promoción do envellecemento activo, os talleres de memoria dirixidos a persoas maiores sen deterioración pretenden fortalecer a memoria e reducir o risco de deterioración cognitiva.

En persoas maiores sen deterioración cognitiva, o adestramento cognitivo céntrase na mellora da memoria e da velocidade de procesamento, pois o envellecemento comporta unha serie de cambios que se manifestan por unha alteración normal da memoria e unha lentitude xeral nas actividades, entre outros. Aínda que se evidencia a existencia dun declive de memoria relacionado coa idade, se adestramos a nosa memoria e utilizamos diferentes estratexias mnemotécnicas, esta pode mellorar de maneira significativa.

levan a cabo na sede da Asociación e en diferentes concellos da comarca de ferrolterra cando así o demandan as corporacións locais.

Obxectivos:

Nos Talleres de Memoria para persoas maiores sen deterioración cognitiva levan a cabo actividades individuais e grupais en formato escrito, oral ou a través de novas tecnoloxías dirixidas a:

• Estimulación as diferentes funcións cognitivas: atención, memoria, linguaxe, capacidade psicomotriz, cálculo e funcións executivas.
• Asesoramento sobre técnicas de mellora de memoria.
• Asesoramento sobre hábitos saudables para un envellecemento activo e saudable.
• Favorecer a interacción social e posta en marcha de habilidades sociais para fomentar a integración e o mantemento dos nosos maiores na sociedade e evitar o illamento.
• Realización de actividades e saídas culturais conxuntas para potenciar a súa participación en actividades socio-culturais.
• Mellorar o seu estado psicolóxico e emocional potenciando capacidades, autoestima e rol na sociedade.

Procedemento

O taller está dirixido e guiado por un profesional técnico (psicólogo, logopeda, educador social, terapeuta ocupacional).

Atópanse organizados en grupos variables cunha media de 10 persoas. Configúrase a intensidade horaria da intervención en función da demanda, normalmente en 2 ou 3 sesións semanais de entre 1 hora e hora e media.

TALLERES DE MUSICOTERAPIA PARA PERSOAS SAS:

Taller no que se combina a música e a animación teatral para crear un espazo onde manifestar sentimentos, emocións ou simplemente, un lugar onde divertirse, e onde, inconscientemente, traballaremos a comunicación, a cooperación, a memoria, a atención, as habilidades sociais, a integración, etc.

A musicoterapia é unha ferramenta terapéutica que se serve da música, os sons e as vibracións para optimizar as canles de comunicación, a aprendizaxe, a memoria, a motricidade e a expresión, desde unha perspectiva preventiva e rehabilitadora, co fin de mellorar a nosa calidade de vida. Tamén fomenta o desenvolvemento da creatividade e satisfai as necesidades físicas, emocionais, sociais e cognitivas do ser humano en todas as etapas da súa existencia.

Beneficios:

• Cognitivos. A música estimula a memoria a curto e longo prazo e, por tanto, axuda á aprendizaxe, mellora a orientación na realidade, aumenta a capacidade de atención e concentración e mantén ou mellora as habilidades verbais e de comunicación.
• Físicos. Reforza a estimulación sensorial e mellora a coordinación do sistema neuromotriz. Así, axuda a manter a mobilidade das articulacións e aumenta a forza do músculo. Tamén promove a relaxación, reduce a axitación e diminúe os niveis de ansiedade.
• A expresión emocional axuda a identificar e compartir sentimentos, aumenta a interacción e comunicación social, reduce e prevén o illamento e mellora as habilidades sociais e a autoestima.

Procedemento

O taller está dirixido e guiado por un profesional técnico (psicólogo, logopeda, educador social, terapeuta ocupacional).

Atópanse organizados en grupos variables cunha media de 10 a 20 persoas.