Asesoramento xurídico

En AFAL Ferrolterra somos conscientes da nova situación que se abre para as familias cando un dos seus seres queridos é diagnosticado de Alzhéimer. O primeiro e principal é asegurar o seu benestar e conseguir unha mellor calidade de vida para el e a súa contorna próxima. A todo iso, súmanse trámites e xestións que en moitos casos resultan completamente descoñecidos para eles. Por iso, AFAL tamén ofrece un servizo de asesoramento xurídico completamente gratuíto aos seus socios.

A través do mesmo, a nosa asociación atende consultas de información inicial; facilita determinadas xestións #ante organismos públicos; ofrece información sobre procedementos de incapacidade (trámites que se poden realizar de forma gratuíta contactando co Ministerio Fiscal) ou declaración de herdeiros, tamén colaboramos na redacción de informes escritos e xestionamos procedementos administrativos. Se necesitas algún destes servizos, contacta con AFAL. Concertaremos unha entrevista persoal na que che daremos toda a información que precises.